ग्रामीण महिलांच्या उद्योजकतेला चालना देण्यासाठी केंद्र सरकारने ‘शी-मार्ट’ (Self Help Entrepreneur Marts) या नव्या उपक्रमाची घोषणा केली आहे. स्वयं-सहायता गटांच्या (SHG) माध्यमातून महिलांनी तयार केलेल्या उत्पादनांना थेट बाजारपेठ उपलब्ध करून देण्यासाठी हे विशेष रिटेल केंद्र उभारले जाणार आहेत.
या उपक्रमामुळे ग्रामीण महिलांना थेट ग्राहकांपर्यंत पोहोचता येईल, मध्यस्थांची गरज कमी होईल आणि उत्पन्नात वाढ होईल. ‘शी-मार्ट’मध्ये उत्पादनांचे ब्रँडिंग, किंमत ठरविण्याचा अधिकार आणि ग्राहकांशी थेट संवाद साधण्याची संधी मिळणार आहे.
‘दीनदयाल अंत्योदय योजना–राष्ट्रीय ग्रामीण आजीविका अभियान’ (DAY-NRLM) अंतर्गत या केंद्रांमध्ये विक्रीसोबतच कौशल्यविकास, क्षमता-वृद्धी आणि व्यवसाय व्यवस्थापनाचे प्रशिक्षण दिले जाणार आहे.
समुदाय-आधारित या मॉडेलमुळे ग्रामीण अर्थव्यवस्थेला बळ मिळेल, रोजगारनिर्मिती होईल आणि महिलांना लघुउद्योग मालक म्हणून उभे राहण्याची संधी मिळेल.