आजच्या बदलत्या सामाजिक आणि आर्थिक परिस्थितीत महिलांमध्ये स्वयंपूर्णतेची जाणीव वाढताना दिसत आहे. विशेषतः गृहिणींमध्ये स्वतःचा व्यवसाय सुरू करण्याची इच्छा मोठ्या प्रमाणात निर्माण होत आहे. स्वयंपाक, हस्तकला किंवा सेवा क्षेत्रात असलेल्या कौशल्यांच्या आधारे अनेक महिला उद्योजिकेच्या दिशेने पावले टाकत आहेत.
मात्र, व्यवसाय सुरू करण्यासाठी मोठे भांडवल किंवा उच्च शिक्षण आवश्यक आहे, असा गैरसमज अजूनही अनेकांच्या मनात आहे. तज्ञांच्या मते, यशस्वी व्यवसायासाठी भांडवलापेक्षा सातत्य, संयम, शिकण्याची तयारी आणि आत्मविश्वास हे गुण अधिक महत्त्वाचे ठरतात.
गृहिणी म्हणून काम करताना महिला घर, कुटुंब, वेळेचे व्यवस्थापन आणि खर्चाचे नियोजन यांसारखी अनेक जबाबदाऱ्या कुशलतेने सांभाळत असतात. हीच कौशल्ये व्यवसायातही उपयोगी ठरतात, असे उद्योजकता क्षेत्रातील जाणकार सांगतात.
याचाच प्रत्यय कराडमधील एका गृहिणीच्या उदाहरणातून येतो. त्यांनी घरातून पापड बनवण्याचा छोटा व्यवसाय सुरू केला. सुरुवातीला संकोच वाटत असतानाही त्यांनी सातत्य आणि मेहनतीच्या जोरावर आपला व्यवसाय वाढवला. उत्पादनाची गुणवत्ता आणि प्रामाणिकपणा यामुळे त्यांच्या व्यवसायाला हळूहळू बाजारपेठ मिळाली आणि आज त्यांचा व्यवसाय अनेक ठिकाणी विस्तारला आहे.
सध्या महिलांसाठी विविध व्यवसाय संधी उपलब्ध आहेत. त्यामुळे संधीची वाट पाहण्यापेक्षा स्वतःच्या क्षमतेवर विश्वास ठेवून छोट्या प्रमाणात सुरुवात करणे आवश्यक असल्याचे तज्ज्ञांचे मत आहे. नियमित नियोजन, अनुभवातून शिकणे आणि सातत्यपूर्ण प्रयत्न यामुळे गृहिणी देखील यशस्वी उद्योजिका बनू शकतात.
महिलांमध्ये वाढणारी ही उद्योजकतेची प्रवृत्ती केवळ आर्थिक स्वावलंबनच नव्हे, तर समाजातील त्यांची भूमिका अधिक मजबूत करत असल्याचे चित्र दिसत आहे.